Poljoprivreda - Makedonija

Од извоз на зелка лани биле инкасирани 30 милиони евра

Извезените количества зелка лани надминаа 64 илјади тони и се поголеми за 8,3% во споредба со 2022 година.

– Просечната цена лани изнесуваше 0,47 евра за килограм. Тоа е добра цена за разлика од 2016 година кога извозот е 15,4 милиони евра со просечна цена од 0,23 евра за килограм – вели Николовски.

Македонската зелка се продавала на 27 пазари низ целиот свет, а највисока извозна цена е постигната во Финска и во Норвешка.

Овие бројки ги потврди Државниот завод за статистика. Зелката неколку години наназад е најизвезуван зеленчук од Македонија. Статистичарите пресметале дека од Македонија лани бил извезен зеленчук во вредност од 95,1 милион евра и е за 14 милиони повеќе во однос на извезениот зеленчук во 2022 година. Во текот на 2023 година на странските пазари биле продадени околу 130 илјади тони зеленчук произведен во Македонија.

Втор најдобро продаван зеленчук во странство се пиперките кои на земјава ѝ донеле девизен прилив од 20,7 милиони евра за извезени 26 илјади тони.