Poljoprivreda - Makedonija

Распишан нов јавен повик за набавка на педигриран добиток со поддршка до 10 милиони денари од корисник

Поддршката од оваа мерка се однесува за набавка на високостелни педигрирани јуници за млеко, месо и комбинирани млеко-месо и месо-млеко, со исклучок на расата буша, потоа набавка на педигрирани машки и женски приплодни овци и набавка на педигрирани машки и женски приплодни  кози.

Како корисници на оваа мерка се јавуваат земјоделските стопанства запишани во Единствениот регистар на земјоделските стопанства во Министерство за земјоделство, шумарство и водостопанство во согласност со Закон за земјоделството и руралниот развој.

Максималната вредност на прифатливи трошоци од корисник изнесува 10 милиони денари, што претставува поврат на направената инвестиција од 50 до 75 %.

Како што информира МЗШВ, рокот за аплицирање е до 16 ноември 2023 година, а аплицирањето за оваа мерка се врши по електронски пат, односно сите заинтересирани ќе треба да креираат електронско барање за финансиска поддршка со податоци за инвестицијата и да ги прикачат сите потребни документи преку порталот e-baranje.ipardpa.gov.mk.

Напоменуваме дека барателите што имаат важечки договор од претходните години за набавка на добиток, односно тие не ја реализирале планираната инвестиција, немаат право да аплицираат на овој јавен повик.

Заинтересираните апликанти повеќе информации за повикот може да најдат на веб-страницата на АФПЗРР