„Визер“ претстави две нови и реотвори седум рути од Македонијa

Bez autora

Mar 23 2022

„Визер“ најавува постепено повторно отворање 7 линии и воведување 2 нови од Скопје и Охрид до дестинации во 7 земји почнувајќи од март и мај. Местата за повторно отворените рути се веќе достапни онлајн и преку мобилната апликација од дури 19,99 евра.

Македонците повторно ќе може да летаат од Скопје до Билунд, Бремен, Рим-Чампино, Турку и Векше и од Охрид до Фридрихсхафен и Меминген.

Дополнително, „Визер“ ќе почне со работа на 2 нови линии: Охрид – Лондон – Лутон и Скопје – Малта. Овие рути се надополнуваат на постојните од аеродромите во Северна Македонија до популарните дестинации.

Така, македонските патници ќе може да ги користат овие евтини услуги до некои од највозбудливите градови во Европа.

За дополнителна сигурност, „Визер“ им препорачува на патниците да додадат „Виз флекс“ на нивната резервација за дополнителна заштита.

Со тоа патниците може да изберат да патуваат на друг датум или до друга дестинација, како и да имаат можност да го откажат својот лет до 3 часа пред полетувањето, без никаков надоместок и да добијат 100 % од оригиналната цена на билетот веднаш вратени како кредити на авиокомпанијата.

Ocenite tekst