Transport - Makedonija

Воведена нова линија Амстердам-Скопје-Амстердам

Тие ќе летаат на релација Амстердам-Скопје-Амстердам два пати неделно, во четврток и во недела

ТАВ Македонија, подружница на ТАВ Аеродроми, членка на Групацијата АДП, вчера вечерта во 21 часот, го пречека првиот лет на холанската авиокомпанија Трансавиа, на Меѓународниот аеродром Скопје, со што се означи воведувањето на новата авиолинија Амстердам-Скопје-Амстердам.

По 12 години пауза, Скопје се поврзува по воздушен пат со Амстердам, благодарение на Трансавиа, втората по големина авиокомпанија во Холандија, дел од групацијата КЛМ.

Холандската авиокомпанија ќе лета на релација Амстердам-Скопје-Амстердам двапати неделно, во четврток и во недела.

Во четврток, авионите на холандската авиокомпанија ќе пристигнуваат на скопскиот аеродром во 9:35 часот, а ќе полетуваат кон аеродромот Шипхол во 10:25 часот. Во недела, Трансавиа ќе слетува во главниот град на Македонија во 20:45 часот, а ќе полетува кон главниот град на Холандија во 21:35 часот.

Детали за достапноста и резервацијата на авиобилети, како и за времињата на пристигнување и заминување може да се најдат на веб-страницата на Трансавиа: https://www.transavia.com/home/en-nl

-Денеска одбележуваме значајна пресвртница за ТАВ Македонија, подружница на ТАВ Аеродроми членка на Групацијата АДП. Оваа нова рута не е само за проширување на нашата мрежа; станува збор за проширување на можностите за македонските граѓани. Со оглед на тоа што Амстердам е една од нај живописните дестинации во Европа, овој лет не само што ќе ги приближи луѓето до светските историски атракции и колекции на голема уметност, туку ќе им овозможи и на туристите да ги искусат неговите живописни пејзажи – изјави Неџат Курт, Генерален директор на ТАВ Македонија.

-Со додавањето на Скопје во нашата мрежа, им нудиме на нашите патници уште повеќе можности за патување во рамките на Европа. Без разлика дали е тоа патување за се види нов град или бизнис-патување, Скопје ќе ве воодушеви. Градот е уникатна дестинација кон ве остава без здив и се наоѓа во убава земја. Многу сме горди што ќе летаме на оваа рута – изјави Марсел де Нојџер, Главен извршен директор на Трансавиа.

Оваа нова рута од Меѓународниот аеродром Скопје, која повторно се воведува по повеќе од 12 години, ќе овозможи полесни патувања кон Амстердам за туризам, семејни посети и бизнис-цели. Со неа ќе се овозможи полесен пристап на патниците да истражуваат нови дестинации, со што ќе се зајакне туристичката индустрија во двете земји.

-ТАВ Македонија како аеродромски оператор е посветена да ја прошири својата мрежа на дестинации, да одржува долгорочни односи со авиокомпаниите, нудејќи постојана поддршка и флексибилност во прилагодувањето на фреквенциите на летање или пак времињата на летовите, со цел да обезбеди повеќе опции за директни летови, како и беспрекорно и ефикасно патничко искуство за сите патници – велат оттаму.