Trgovina - Makedonija

Раст на увозот и пад на извозот

Наедно, ДЗС објави дека покриеноста на увозот со извоз, во периодот јануари-јуни 2024, изнесува 70,9 отсто. Вкупната вредност на извозот на стоки од нашата држава, според статистиката на ДЗС, која се однесува на првото полугодие од годинава, односно во периодот јануари-јуни 2024 година, изнесува 3.930 милиони евра и бележи пад од 7,6 отсто во однос на истиот период од претходната година. Вредноста на увезената стока, во истиот период, изнесува 5.544 милиони евра, што е за 0,1 отсто повеќе во споредба со истиот период од 2023 година.

Во увозот најмногу се застапени нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав, и електричната енергија.

Во извозот најголемо е учеството на катализаторите на носачи со благородни метали или нивни соединенија, сетовите на спроводници за палење и слично, за возила, авиони или бродови, деловите на седишта од подгрупата 821,1 и други катализатори на носачи.

Во периодот јануари-јуни 2024 година, според вкупниот обем на надворешнотрговската размена, нашата земја најмногу тргувала со Германија, па потоа со Велика Британија, Грција, Кина и со Србија.