Trgovina - Makedonija

Во ТИРЗ растат и извозот и увозот и работните места

Редовната месечна анализа покажува дека компаниите во ТИРЗ во февруари реализирале извоз од над 330 милиони евра што е за 20% повеќе од јануари годинава. Споредено со вториот месец во изминатите години, извозот сега е повисок за 26% во однос на 2021, односно 53% во однос на 2020 година, а е на исто рамниште со февруари минатата година, соопштуваат од ТИРЗ.

Оттаму велат дека е регистриран и раст на увозот во февруари. Компаниите во ТИРЗ оствариле увоз од речиси 270 милиони евра што е за 22% повисок од претходниот месец. Споредено со февруари 2022 извозот е понизок за 10%, но е повисок за 11%, односно 12% во однос на 2021 и 2020 година.

Продолжува и позитивниот тренд на раст кај нето извозот кој заклучно со февруари е 23,5%.

Бројот на вработени во зоните во јануари повторно бележи раст и достигна ниво од 16,500 што е за 14% повисок споредено со февруари 2022. Само во првите два месеца од годинава во компаниите во зоните се отворени речиси 190 нови работни места. 

Според соопштението, ТИРЗ ја заокружи минатата година со 2300 новоотворени работни места и највисок извоз досега од 3,7 милијарди евра, со што е 2022 е најуспешната година од постоењето на зоните.